Woh Mard Hai by Javed Akhtar

Jiski AankhoN Mein Hai Jagmagati Hui Jaise Gehri Sharafat Ki Ek Roshni
Jiske Andaaz Mein Ek Tehzeeb Hai
Jiske Lehjay Mein Ek Narmi Hai,Sabdon Mein Tameez Hai
jiske Dil Mein Bhi Aur Jiski Baaton Mein Bhi Aurat Ke Vaaste Poori Izzat Bhi Hai,Poora Aadar Bhi Hai
Jisko Aurat Ke Tann Mann Ka Jeevan Ka Samaan Hai
Aurat Ke Aatm-Samaan Ka Jisko Har Ek Pal Dhyaan Hai
Jo Kabhi Ek Pal Bhi Nahin Bhoolta..Aurat Insaan Hai

Jisko Apni Bhi Pehchaan Hai
Jismein Shakti Bhi Hai
Jismein Himmat Bhi Hai
Jisme Gaurav Hai, Aatm-Vishwaas Hai
Jo Agar Saath Hai
Jo Agar Paas Hai
Uske Hone Se Aurat Ko Apni Surakhsa Ka Ehsaas Hai
Woh Jo Aurat Ka Ek Sacha Saathi Hai,Ek Dost Hai,Ek Humdard Hai
Sach To Yeh Hai.....Woh Mard Hai


           ~~~~~Javed Akhtar~~~~~